• ОХУ-ын Холбооны зөвлөл, тус улсын Зэвсэгт хүчнийг Украины нутагт ашиглах эрхийг ерөнхийлөгчид олгосон гуравдугаар сарын 1-ний тогтоолыг хүчингүй болголоо.

Фото: ИТАР-ТАСС/Антон Новодережкин

• Краматорск хотын нисэх буудлын орчим хэд хэдэн удаа дэлбэрэлт гарчээ.
• Украины батлан хамгаалах салбарын шинэчлэлийг дэмжих сан байгуулснаа НАТО зарлав.
• Донецкийн төмөр замын долоон замд галт тэрэгний хөдөлгөөнийг сэргээжээ.

•  Макеевка суурины орчим таван украин цэргийнхнийг сайн дурынхан олзолсон байна.
• Талууд гал зогсоосон нөхцөлд цэргийн техникийн хөдөлгөөний талаар талууд бие биендээ мэдээлж байх ёстой гэдгийг Оросын Гадаад хэргийн сайд Сергей Лавров мягмар гаригт сөнөөгдсөн Украины Ми-8  нисдэг тэрэгний талаар тайлбарлахдаа хэлжээ. 
• Киевийн эрх баригчид, федерализацийн талын хоёрын хооронд яриа хэлцлийг эхлүүлэхэд Орос дэмжлэг үзүүлнэ гэж найдаж буй талаараа АНУ-ын Төрийн нарийн бичгийн дарга Жон Керри мэдэгджээ.
• Гал зогсоох хугацааг сунгах талаар Путин? Порошенко, Меркель, Олланд нар утсаар санал бодлоо солилцжээ.
• Өөрийгөө тунхагласан Донецк ард улсын Засгийн газар нь зэвсэгт мөргөлдөөнд амь үрэгдэгсдийн ар гэрт нөхвөр төлж эхэлжээ.
• Германы  Гадаад хэргийн сайн Штайнмайер Лавровтай уулзахдаа Украины байдлын талаар Путины хийсэн мэдэгдлийг өндөр үнэлэв.
• Украины Засгийн газар Оростой хиллэсэн хилийн “инженер, техникийн ажлын талаар” тусгай шийдвэр гаргасан байна.
• Украинаар дамжин Европт нийлүүлэгдэж байгаа байгалийн хийн  талаар ямар нэгэн асуудал гараагүй гэж Украины Эрчим хүчний сайд Продантай хийсэн хэлэлцээрийнхээ дараа ЕХ-ны Эрчим хүчний комиссар Гюнтер Эттингер мэдэгдлээ.
• Оросын ерөнхийлөгч Владимир Путин сөргөлдөөний бүсээс Орост ирж байгаа дүрвэгсдийн байрлуулалтын талаар дэмжлэг үзүүлэхийг Засгийн газартаа үүрэгджээ.
• Киевын засаг захиргаа гал зогсоох хэлэлцээрээ зөрчөөгүй гэж тус улсын Гадаад хэргийн сайд Павел Климкин мэдэгдлээ.
• Одесса хотын  цагдаагийнхан үндсэрхэг үзэлтнүүдээс тэсрэх төхөөрөмж хурааж,  цуглааны үеэр үйлдэх гэж байсан цуврал террорыг таслан зогсоож чадав.
• Словакаар дамжуулан 30 тэрбум шоо.метрийн байгалийн хийг Украинд нийлүүлэх “их реверс” зохион байгуулахыг Украин Европын холбоонд санал болгож байна.
• Украины хямралын хугацаанд Орост орж ирсэн украин иргэдэд амьдрахыг зөвшөөрсөн зөвшөөрлийг хугацаагүйгээр  шийдэх үүргийг Холбооны цагаачдын албанд Кремль өгсөн байна.
• Киев мужийн Ахуйн шүүх тус улсын экс-ерөнхийлөгч Януковичийн "Межигорье"  гэх өргөө байдаг 135 га газрыг улсын өмч болгосон шийдвэрийг гаргажээ.
• Украины ерөнхийлөгч Петр Порошенко нийслэлийн мэр Виталий Кличког хотын төрийн засгийн даргаар томилжээ.
• Европын холбооны энэ сарын 26-27-нд явагдах саммит дээр Оросын эсрэг эдийн засгийн шинэ хориг арга хэмжээ авах эсэхийг Украины өнөөгийн байдлаас шалтгаалан шийднэ гэж мэдэгдэв.
• Украины Үндсэн хуульд оруулах өөрчлөлтийн пүрэв гаригт Дээд радын хуралдаанаар авч хэлэлцэхээр болов.
• Хоногийн дотор Украины 2000 дүрвэгч  Орост орж ирсэн ба одоо дүрвэгсдийг хүлээн авах түр цэгүүдэд 16,5 мянган хүн байрлаж байна.

Бэлтгэсэн Ш.МЯГМАР