Цагдаагийн ерөнхий газар, Хүний эрхийн үндэсний комисстой хамтран ажиллах санамж бичигт гарын үсэг зурсны дагуу Хэрэг бүртгэх албаны алба хаагчдад “Хүчирхийллээс ангид байх эрх” сэдэвт сургалтыг өчигдөр зохион байгуулжээ. Уг сургалтаар хүний эрхийг хүндэтгэх, гэр бүлийн хүчирхийллийн хохирогчийг хамгаалах болон эрүүдэн шүүх тухай ойлголт, иргэдийн эрх зүйн чадавхийг дээшлүүлэх сэдвээр Хүний эрхийн үндэсний комиссын ажилтнууд хичээл, сургалт явуулсан байна.