Эвлэрүүлэн зуучлалыг нэвтрүүлж эхэллээ | News.MN

Эвлэрүүлэн зуучлалыг нэвтрүүлж эхэллээ

Хуучирсан мэдээ: 2011.05.13-нд нийтлэгдсэн

Эвлэрүүлэн зуучлалыг нэвтрүүлж эхэллээ

Монгол Улсын Дээд шүүх, Монголын өмгөөлөгчдийн холбоо, Япон улсын “Жайка” олон улсын байгууллагаас хамтран хэрэгжүүлж буй “Иргэний болон гэр бүлийн хэрэгт эвлэрүүлэн зуучлалыг ашиглах нь” төсөл Улаанбаатар хотод Баянзүрх дүүргийн шүүх, хөдөөд Дархан-Уул аймгийн сум дундын шүүх дээр 2011 оны энэ сарын 3-ны өдрөөс хэрэгжиж эхлэв.
Эвлэрүүлэн зуучлал ажиллагаа гэдэг бол эвлэрүүлэн зуучлагчийн тусламжтайгаар маргааны талууд бодит нөхцөл байдалд тохирсон шийдэлд хүрэхийн тулд харилцан ярилцаж, түүний үр дүнд талууд сэтгэл хангахуйц, санал нэгдсэнээр маргааныг шийдвэрлэх ажиллагаа юм.
Эвлэрүүлэн зуучлагч нар нь өндөр төвшний мэдлэгтэй, ёс зүйтэй, ур чадвартай, мэдрэмжтэй, харилцааны арга зүйг эзэмшсэн, мэргэжлийн дадлага туршлагатай, аливаа асуудалд хүлээцтэй ханддаг, тухайн салбарт хүлээн зөвшөөрөгдсөн хүн байх ёстой байдаг.
Зуучлалын зорилго нь юу байх вэ? Зуучлалыг амжилттай явуулахад эвлэрүүлэн зуучлагч туслах үүрэгтэй, харин талууд харилцан ярилцаж, тохиролцоонд хүрч эвлэрэх нь чухал болох, мөн асуудлаа амжилттай шийдвэрлэж эвлэрэх нь хамгийн эцсийн зорилго юм. Мөн талууд харилцан тохиролцож, зөв шийдэлд хүрч чадахгүй бол зуучлал амжилттай болж чадахгүй гэдгийг ойлгуулах.

Эвлэрүүлэн зуучлах ажиллагааны онцлог:

1. Ажиллагааны хувьд харьцангуй хялбар. Өргөдөл гаргахад эрх зүйн болон онцгой мэдлэг шаардахгүй.
2. Асуудлыг эвийн журмаар шийдвэрлэх боломжтой. Талуудын аль аль нь сэтгэл ханамжтай шийдэлд хүрэхээр харилцан ярилцсанаар маргааныг шийдвэрлэдэг.
3. Хөрөнгө мөнгө, цаг хугацааны хувьд хэмнэлттэй.
4. Нууцыг чанд хадгална. Эвлэрүүлэн зуучлах ажиллагаа хаалттай явагддаг тул бусдад мэдэгдэхийг хүсээгүй ямар ч асуудлаар хандах боломжтой.
5. Маргалдагч талууд ажиллагааны явцыг хянах боломжтой.
Эвлэрүүлэн зуучлах ажиллагаа амжилттай явагдаж тохиролцоонд хүрч чадсан тохиолдолд тохиролцооны агуулгыг эвлэрлийн гэрээнд бичгийн хэлбэрээр тусгаж болдог. Түүнчлэн, шүүхийн шийдвэртэй адил хэмжээнд хүчин төгөлдөр болгож болно.
Тохиролцоонд хүрч чадахгүй тохиолдолд шүүхийн журмаар шийдвэрлүүлэхээр нэхэмжлэл гаргах эрх иргэдэд нээлттэй үлдэнэ.

З.ОРГИЛ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

w w w COMPUTERSHOP M N АМЕРИКААС ГАНЦХАН ТАНЬД ЗОР 2011-05-13 203.169.52.155

w w w COMPUTERSHOP M N АМЕРИКААС ГАНЦХАН ТАНЬД ЗОРИУЛАН ӨНДӨР ҮЗҮҮЛЭЛТТЭЙ BRAND НӨҮТБҮҮКИЙГ МОНГОЛДОО ХАМГИЙН ХЯМД ҮНЭЭР ХУДАЛДААЛЖ БАЙНА УТАС 99172587 99999019

Avatar

Зочин 2011-05-13 202.179.10.150

Хоёр тал маргаад л маргаан нь сунжираад л яваад байвал шог зураг дээр дүрсэлдэг шиг 2 талын өмгөөлөгч нар нь таргалаад л маргалдагч хоёр тураад л байдаг юм шүү

Avatar

Зочин 2011-05-13 202.179.10.150

Дарханы шүүхийн практикт Мягмаржав ерөнхий шүүгчийн үеэс хэрэглэж байсан арга хэлбэр л дээХарин прокурор цагдаагийнхан иргэний хэргийг эрүүгийн болгоод нэгийг нь залхааж нөгөөг нь дарамтлаад шоронжуулаад асуудлыг эрүү талаас нь хараад байдаг юм байна лээЭнэ алдааг залруулахгүй бол олон хүн хэрэгтэн болох зам руу түлхэгдэн ороод байнааХуулийнхан анхаарч үзээрэйМаш анхааралтай хандаарайМиний мэдэх олон жишээ байгаа шүү

Avatar

Зочин 2011-05-13 202.179.10.150

шүүхийн шинэтгэлийн хүрээнд хийгдэж буй энэ ажиллагаа нь иргэний хэрэгт боломжийн зүйл байна лээХоёр тал аль аль нь сэтгэл хангалуун байж асуудлаа шийдээд

Avatar

www. goe. mn 2011-05-13 202.131.225.147

HTTP GOE_dot_MN iPad2 -g hamgin hayamd uneer zarj baina SONY VAIO cpu 2 53Ghz ram 4Gb hdd 500Gb Screen 14inch 15inch laptopuud bainga zarj baina iphone3Gs 32Gb used 550K 88005886

NewsMN Гар утасны хувилбар Татах
NEWS.mn

Мэдээллийн эх сурвалж