Хууль зүй, дотоод хэргийн сайд Ц.Нямдорж одоо  Төрийн ордонд мэдээлэл хийх гэж байна. Авто замын газраас өнгөрсөн сард Тавантолгойн ордоос Цагаан хад хүртэлх  нүүрсний  тээвэрлэлтийг зогсоох шийдвэр гаргасантай холбоотойгоор Засгийн газрын хуралдаанаар энэ асуудлыг хэлэлцэх шатанд Ц.Нямдорж сайд авто замыг хаасныг эсэргүүцжээ гэсэн мэдээлэлтэй холбогдуулж тайлбар хийхээр болсон байна.

Өчигдөр тэрбээр энэ асуудалтай холбоотойгоор тайлбар хийхдээ “Тавантолгойгоос урд хөрш рүү нүүрс тээвэрлэх шатанд татвараар асар их мөнгө улсын төсөвт ордог, энэ талыг нь бодолцож  байр сууриа илэрхийлснийг маань өнгөрсөн хугацаанд янз бүрээр сенсаацилж ирлээ.  Надад тэр Тавантолгойд нүүрс ачих том машин байтугай шороо ачих машин ч байхгүй” хэмээн мэдэгдсэн юм.