Цэргийн цол чимэг олгох "Бүх цэргийн наадам-2014" үндэсний бөхийн барилдаан Монгол бөхийн өргөөнд өнөөдөр боллоо.

Барилдаанд аймгийн хурц арслан Ч.Батчулуун, Ш.Мөнгөнбаатар, А.Алтанхуяг, Ш.Шинэбаяр, Б.Одгэрэл, аймгийн арслан А.Сүмбээ, А.Отгонбаатар, М.Бат-Отгон, Д.Батжаргал, Т.Занданбат, О.Баярхүү, Ё.Эрдэнэжаргал, М.Баярсайхан, Б.Хашбат, Б.Дэлгэрсайхан, Б.Суманчулуун нарын тэргүүтэй аймаг, цэрэг, сумын цолтой 256 бөх зодоглосноос Завхан аймгийн Алдархаан сумын харьяат "Алдар" спорт хороо, Засагт ханы Завхан дэвжээний бөх аймгийн заан Б.Бадамсүрэн түрүүлэн цэргийн арслан цол хүртэж, Архангай аймгийн Булган сумын харьяат Бөхбилэгт дэвжээний бөх аймгийн арслан Ч.Ганзориг үзүүрлэлээ.

Шөвгийн дөрөвт Архангай аймгийн Тариат сумын харьяат "Бөхбилэгт" дэвжээний бөх аймгийн арслан Н.Адъяабат, Дундговь аймгийн Эрдэнэдалай сумын харьяат "Түшээт ханы аварга" дэвжээний бөх сумын заануудын магнай Э.Даш нар үлдэн Э.Даш цэргийн харцага цол хүртэв. Ийнхүү энэ жилийн цэргийн наадмаар цэргийн арслан нэг, цэргийн харцага цолтон нэг төрлөө.

Эх сурвалж: http://undesniibukh.mn