Их дээд сургуульд элсэн суралцах сурагчид өнөөдрөөс элсэлтийн ерөнхий шалгалтыг өгч эхлээд байна. Тодруулбал, дээрх шалгалт орон даяар өнөөдөр 12.00 цагаас эхэлсэн юм. тун удахгүй буюу 13.40 цагт элсэлтийн ерөнхий шалгалтын хугацаа дуусна. Элсэгчид энэ өдөр монгол хэл, бичгийн шалгалт өгч байгаа юм.

Боловсрол, шинжлэх ухааны яамнаас гаргасан шийдвэрийн хүрээнд монгол хэл, бичгийн шалгалтыг ерөнхий шалгалтад бүртгүүлсэн бүх сурагчид өгөх ёстой. Үүний дараа буюу ирэх даваа гаригаас эзэмших мэргэжлийнхээ чиглэлийн дагуу элсэгчид шалгалт өгч эхлэх юм. Урьдчилсан байдлаар энэ удаагийн элсэлтийн ерөнхий шалгалтад 41 мянга орчим залуус өгнө гэсэн мэдээлэл байна. Элсэлтийн ерөнхий шалгалтын хуваарийг дараах хүснэгтээс сонирхоно уу.

Г.НАРАН