НАТО-гийн нисэх хүчний бөмбөгдөлтийн үеэр нэг хүүхэд нь, гурван ач нь амь насаа алдсанаас хойш хоёр долоо хоног шахам сураг чимээгүй болж, амьд эсэх нь тодорхойгүй байсан  Муамар Каддафи нэгэн зочид буудалд хэсэг хүмүүстэй уулзаж байгаа дүрс бичлэгийг Ливийн улсын мэдлийн телевизийн нэвтрүүлгээр лхагва гаригт дамжуулан үзүүлжээ.

Дөрөвдүгээр сарын 30-наас хойш сураг нь алдарсан Ливийн удирдагч хүрэн өнгийн нөмрөг, хар малгай, нарны шил зүүн олны өмнө тодорсон байна.

Каддафи өөрийн уулзаж буй зочид руу заан “Эдгээр хүмүүс ливийн отог овгийн удирдагчид гэдгийг дэлхий дахинд хэлж байна” гээд зарим хүмүүсийг овог нэрээр нь дуудан танилцуулсан аж.