Балбын нэгэн иргэн Эверестийн оргилд 21 дэх удаагаа авиран гарч, өөрийн тогтоосон дээд амжилтаа лхагва гаригт эвдсэн байна. Апа хэмээх Балбын энэхүү шерф уулчдын хаясан хэдэн арван тонн хогийг цэвэрлэх гэж Эверестийн оргил руу байнга авирдаг бөгөөд энэ удаа  Эверестийн оргил 8850 метрт авиран гарсан тухай Балбын засгийн газрын Тилак Пандей нэртэй  уулын лагерийн ажилтан мэдээлжээ.
“Уулын оргилд  авиран гарсан цэвэрлэгээний багийнхан байгалын гоо үзэсгэлэнг бишрэн харж, олон зураг хөрөг дарсан” гэж авиралтыг зохион байгуулсан Asian Trekking байгууллагын ажилтан Анг Цэрэн ярьжээ.

Апа өндөр ууланд төрж өссөн бусад шерфүүдтэй нэгэн адил ганцхан нэртэй байдаг бөгөөд 12 настайгаас эхлэн уулчдын ачаа зөөх ажил хийж эхэлсэн байна.

1989 онд анх удаа Эверестийн оргил руу авирчээ. Апагийн яриснаар дөрөвдүгээр сараас эхлэн түүний баг уулын бэл орчмоос 4 тн хог, уулын оргил орчмын хэсгээс тонн гаруй хог зайлуулж цэвэрлэхээр төлөвлөж байгаа ажээ.

Тэрээр анх Эверестийн оргил руу авиран гарч байх үед уулын зам цас, мөсөөр хучигдсан байснаа цаг уурын дулаарлаас болж, Гималайн нурууны цас мөс ихээхэн хайлж, нүцгэн хадан цохионууд ил гарч ирэх болсон ажээ.

Апа 2006 оноос эхлэн АНУ-ын Salt Lake City-ийн нэгэн дүүрэгт очиж, амьдарч байгаа аж.