2014 оны олс таталтын Ази тивийн аварга шалгаруулах тэмцээн Улаанбаатар хотноо зургадугаар сарын 14-16-ны өдрүүдэд болно. Азийн аварга шалгаруулах тэмцээн Олон улсын олс таталтын холбооны дүрэм ёсоор заалны /Indoor/ болон талбайн /outdoor/ гэсэн хоёр төрлөөр зохион байгуулагдана. Талбайн олс таталтын Ази тивийн аварга шалгаруулах тэмцээн Гачуурт дахь Монгол шилтгээнд явагдана. Харин заалны олс таталтынх Буян-Ухаа спортын ордонд болох юм.

Олс таталтын Азийн аварга шалгаруулах тэмцээний хөтөлбөрийг хүргэе.

Зургадугаар сарын 14.

Заалны олс таталтын ААШТ болно.  

10:00-14:00 цагт:  Эмэгтэйчүүдийн  500 кг, эрэгтэйчүүдийн 600 кг жингийн дотор олс таталтын хэсгийн шатны тэмцээнүүд

15:00-15:30 цагт: Азийн аварга шалгаруулах тэмцээний нээлтийн ёслол.

15:30-17:00 цагт: Эмэгтэйчүүдийн  500 кг, эрэгтэйчүүдийн 600 кг- жингийн дотор олс таталтын медалийн төлөөх тэмцээнүүд

 17:00-21:00 цагт: 560 кг жингийн холимог төрлийн тэмцээн. Медаль гардуулах ёслол

Зургадугаар сарын 15.

Талбайн олс таталтын ААШТ болно.

10:00-14:00 цагт: Эмэгтэй 500 кг, эрэгтэй 640 кг жингийн Азийн аварга шалгаруулах тэмцээн болно.

16:00-19:00 цагт: 8 тамирчинтай олс таталтын Азийн аварга шалгаруулах тэмцээн болно.

Дараа нь медаль гардуулах ёслол болно.

Б.БИЛЭГ