Завхан аймгийн Нэгдсэн эмнэл­гийн “Алсын зайн оношилгооны төв”-д эмэгтэйчүүдийн умайн хүзүү­ний бүх төрлийн өвчлөлүүдийг онош­лох оношилгооны төхөөрөмжүүд суурилууллаа. Энэхүү тоног төхөөрөмж суурилуулснаар эмэгтэйчүүдийн дунд хамгийн өргөн тархацтай өвлчлөл буюу умайн хүзүүний өвчлөлүүдийг цаг алдалгүй эрт илрүүлэн оношлох улмаар аймгийн хэмжээнд эмчлэх боломж бүрдэж байна.

“Мед Макс” компанитай Завхан аймгийн Засаг даргын Тамгын газар гэрээ байгуулан дэлхийн төвшинд хамгийн сүүлийн үед хэрэгжиж байгаа дэвшилтэд технологиор алсын зайн төвийг тоноглож эхэлжээ.

Завхан аймгийн Засаг дарга Я.Санжмятав “Алсын зайн оношилгооны төв алслагдсан аймагт оношилгоо эмчилгээ хийх нь өндөр ач холбогдолтой юм. Алсын зайн оношлогооны төвийг тоног төхөө­рөмжөөр бүрэн хангах ажил гурван үе шаттай хэрэгжих бөгөөд эхний ээл­жинд аймгийнхаа нийт эмэгтэйчүүдийг умайн хүзүүний өвчлөлүүдийг оношлох оношилгоонд бүрэн хамруулна. Цаашид манай оношлогооны төв бүрэн дүүрэн ажиллаж чадна” гэв.