Завхан аймгийн Цагдаагийн газар нь “Отгонтэнгэр” их сур­гуультай хамтран орон нутагт мэр­гэжлийн багш нарыг сургаж эрх зүйн бакалаврын болон магистрийн сурал­танд 27 алба хаагчийг сургаж байна.

Мөн Цагдаагийн газрын бие бүрэл­дэхүүний албаны нэгдсэн сургалтыг өнгөрсөн дөрөвдүгээр сард зохион байгуулжээ. Энэ сургалтын онцлог нь Цагдаагийн албан хаагчийн танхимын болон онолын мэдлэгийг практик бодит амьдралд тулгуурласан дадлага сургалттай хослуулан явуулсан явдал юм. Тухайлбал нийтийг хамарсан эмх замбараагүй байдлын үед хам­гаалалт зохицуулалт хийх, адил чиг үүрэг бүхий байгууллагуудтай хамт­ран ажиллах, зохиомлоор бэлтгэ­сэн хэр­гийн газарт үзлэг хийх, орон нут­гийн онцлог, зан заншлыг тодор­хой­лох, бод малын им, тамга, зүсийг нэрлэх, шүдлэх зэргийг дадлага сур­гал­тыг хослуулсан аж. Энэ сур­галтанд Монгол улсын алдарт уяач Ж.Баянжаргал, аймгийн алдарт уяач Б.Биндэръяа нарыг урьж оролцуулсан нь цагдаагийн алба хаагчдад дадлага, туршлага хуримтлуулахад илүү дөхөм болжээ.