Эрдэнэт үйлдвэрийн Спорт ордны харьяа “Сархиа” цанын баазыг жилийн турш байнгын тогтмол үйл ажиллагаатай болгох шийдвэр гарсан байна. Уг шийдвэрийн дагуу “Сархиа” цанын баазыг “Эрдэнэт үйлдвэр”-ийн ажиллагсад болон аймгийн иргэдийн эрүүл мэндийг сахиж хамгаалах, чийрэгжүүлэх, төрөл бүрийн спортоор хичээллэх, уралдаан тэмцээн зохион байгуулах соёл амралтын төв болгон тохижуулахаар болжээ. Цанын баазын тохижилтын ажлыг Эрдэнэт үйлдвэрийн бүх цех хэлтсүүд өөрсдийн дотоод нөөц бололцоогоо ашиглан гүйцэтгэх юм. Энд гүйлтийн зам, дасгалын төхөөрөмж, хөл бөмбөг агаарын теннис,бадмингтон,газрын теннис, хоккей, элсний волейбол болон хүүхдийн тоглоомын талбай, модны хүлэмж, сүүдрэвч сандал,нийтийн бие засах газар зэрэг байгууламжийг иж бүрнээр нь барих ажээ.

Сэтгүүлч М.ЦОГТНАРАН

Гэрэл зургийг Б.ТӨГС

Эх сурвалж: www.erdenetinfo.mn