Канадын Кэбэк мужийн “Orsainville” хорих төвөөс гурван хоригдол нисдэг тэрэг ашиглан оргосон талаар цагдаагийн албаныхан мэдээллээ. Хоригдлууд өчигдөр орой /VI.7/ орон нутгийн цагаар 19:45 минутанд оргосон байна. Одоогоор Канадын цагдаа нар хорих төвөөс оргосон Ив Денис, Денис Лефевр, Серж Померлу гэх гурван хоригдлыг эрэн сурвалжилж байгаа аж. Хууль сахиулагчдын мэдээлснээр хоригдлууд баруун зүгийг чиглэн явжээ.

Үүнээс өмнө өнгөрсөн 2013 онд Канадын Монтреалын ойролцоох шоронгоос хоёр хоригдол нисдэг тэрэг ашиглан оргосон хэрэг гарч байсан юм. Хожим нь оргосон хоригдлуудыг өөр хоёр хүний хамтаар баривчилсан байна.

Б.АНХТУЯА

Эх сурвалж: ВВС