Энэ жилийн сүүлчээр 55 сая тонн орчим жинтэй, YU55 гэж нэрлэгдсэн асар том сүүлт од дэлхийн ойролцоо өнгөрөх гэнэ.
Гурван зуу орчим метрийн голчтой сансрын биет сар дэлхий хоёрын дундуур дэлхийгээс 323 мянган км-ийн зайтай өнгөрөх аж. Арваннэгдүгээр сард түүнийг ердийн одон орны дурангаар харж болох юм.
NASA-гийн мэргэжилтнүүдийн тооцсоноор хэрэв YU55 дэлхийг мөргөсөн бол 65 мянган атомын бөмбөг дэлбэрсэнтэй адил хэмжээний дэлбэрэлт гарч 600 метрийн гүнтэй, 10 км-ын тогоо үүсэх байсан ажээ.
NASA энэ сүүлт одыг аюул учруулна гэж тооцсон ч энэ удаа манай гаригт аюул авчрахгүй гэсэн байлаа. Агентлагийн мэдээгээр одоо дэлхийд аюул авчрахаар 874 сансрын биет байгаа гэнэ. Хэдэн зуун мянган жилийн хугацаанд нэг л удаа томоохон сүүлт од дэлхийтэй мөргөлддөг гэсэн тооцоог эрдэмтэд хийсэн байгаа.