Засгийн газраас Нэмэгдсэн өртгийн албан татварын тухай хуулийн шинэчилсэн найруулгыг Улсын их хуралд өргөн барьсан. Татварын хоёр дахь шатны шинэчлэлтэй холбоотой УИХ-ын даргын захирамжаар Татварын хууль тогтоомжид нэмэлт, өөрчлөлт оруулах тухай хуулийн төслүүдийг УИХ-ын чуулганы нэгдсэн болон байнгын хорооны хуралдааны хэлэлцүүлэгт бэлтгэх үүрэг бүхий УИХ-ын 11 гишүүний бүрэлдэхүүнтэй байгуулагдсан ажээ. Ажлын хэсгийн зүгээс НӨАТ-ын тухай хуулийн шинэчилсэн найруулгын төсөл, НӨАТ-ын босгын талаар бодлого боловсруулагчид, бизнес эрхлэгчдийн төлөөллөөс тавдугаар сарын 30-нд Төрийн ордонд санал авахаар болсон байна. Энэхүү санал авах уулзалтад бизнесийн байгууллагын төлөөллөөс оролцох боломжгүй бол маргаашаас өмнө Монголын үндэсний худалдаа, аж үйлдвэрийн танхимд саналаа хэлэх боломжтой ажээ.

Б.МИШЭЭЛ