Өвөрхангай аймаг дахь Гэр бүл-хүний хөгжлийн төв буюу Хуримын ордны барилга шаардлага хангахгүй байгаа аж. Энэ асуудлаар аймгийн Засаг даргын зөвлөлөөр хэрэлцэж, барилгын ажлыг гүйцэтгэсэн Интеко-Инженеринг компанийг хариуцлагагүй байдлаа засаж залруулах талаар ойрын хугацаанд хариу өгөх талаар аймгийн Засаг дарга албан тоот илгээлээ. Тус хуримын ордны барилгад улсын төсвийн хөрөнгөөр 300 гаруй сая, орон нутгийн төсвийн хөрөнгөөр  80 гаруй сая төгрөг зарцуулж, мөн дээрээс нь Өмнөд Солонгос Улсын Гүми хотын тодорхой хэмжээний тусламж дэмжлэгтэй хөрөнгө оруулалт зарцуулсан аж. Өдгөө тус хуримын ордны сантехникийн тоног төхөөрөмжүүд нь огт ажиллахгүй байгаа  гэнэ.