Сирийн ерөнхийлөгч Башар Ассадын эсрэг гуравдугаар сараас эхлэн тэмцэн боссон иргэдийг залхаан цээрлүүлэх явцад 757 эгэл жирийн иргэдийн амь нас үрэгдээд байна гэж тус улсын хүний эрхийг хамгаалах бүлгийнхэн мэдээлсэн байна. Ассадын илгээсэн танкаар дэмжүүлсэн цэргийн хүчнийхэн олон хот суурин газар луу дайралт хийх явцдаа энэ олон хүний амийг хөнөөжээ.

Сирийн Хүний эрхийг хамгаалах үндэсний байгууллагын удирдагч Аммар Кураби амь үрэгдсэн бүх хүмүүсийн нэрс, нас, хүйс, хаана амь насаа алдасныг хүртэл бүртгэж тэмдэглэсэн байгаа гэжээ.

Дамаскийн эрх баригчид сүүлчийн долоо хоногийн туршид цэргийн дайралтын олон удаа хийж, 80 хүнийг хөнөөсөн байна.