Олон улсын хөлбөмбөгийн холбооны шинэчилсэн чансаагаар Монгол 207 орноос 187 дугаар байрт бичигджээ. Өнөөдрийн байдлаар манай улс Олон улсын хөлбөмбөгийн холбооны чансаанд 35 оноотой байна. Манай улстай Монтсеррат, Магадагаскар, Камбож, Бруней Даруссалам зэрэг хот, арал улсууд оноо ойр, чансаа ижил түвшинд бичигдэж байна. Харин Багамын арал, Гвиней Биссау, Коморос, Самоа зэрэг улсууд Монгол Улсаас чансаа дээгүүр бичигджээ.

Олон улсын хөлбөмбөгийн холбооны шинэчилсэн чансааг 1460 оноотой 2008, 2012 оны Европи тивийн аварга, 2010 оны дэлхийн аварга Испанийн шигшээ баг тэргүүлж байна. Чансааны хоёрдугаарт 1340 оноотой Герман, гуравдугаарт 1245 оноотой Португалийн шигшээ баг эрэмбэлэгджээ. Харин 2014 оны дэлхийн аварга шалгаруулах тэмцээнийг зохион байгуулагч Бразилийн шигшээ баг 1210 оноотой болж, зургаагаас дөрөвдүгээр байрт дэвшсэн байна.

Ингээд шинэчилсэн чансааны эхний 20 байрыг хүргэе.

1. Испани – 1460 оноо
2. Герман – 1340
3. Португал – 1245
4. Бразиль – 1210
5. Колумб – 1186
6. Уругвай – 1181
7. Аргентин –  1178
8. Швейцарь – 1161
9. Итали – 1115
10. Грек – 1082
11. Англи – 1043
12. Бельги – 1039
13. Чили – 1037
14. АНУ – 1015
15. Нидерланд – 967
16. Франц – 935
17. Украин – 913
18. ОХУ – 903
19. Мексик – 877
20. Хорват – 871

Б.БИЛЭГ