УИХ дахь МАН-ын бүл­­гийн хуралдаан болж, сэт­гүүлчид өнгөрсөн долоо хоногт сайдынхаа үүрэгт ажлаас өөрийн хүсэлтээр чө­лөө­лөгдөх хүсэлтээ УИХ-д өргөн барьсан Х.Баттулга ги­шүүний асуудалд ямар байр суурьтай байгааг нь тодруулсан юм.

Энэ та­лаар тус бүлгийн дарга С.Бямбацогт “Нэгэнт ажил хийхгүй гэж хэлээд байхад нь хүчээр сайдын ажлаа хий гэж УИХ шийд­вэр гаргахгүй байх аа. УИХ-ын гишүүн Р.Амар­жаргалыг хүчээр авч үлдсэн шиг нэг сайдаа авч үлдэхгүй байх гэж бодож байна. Тий­мээс энэ удаад хүсэлтийг нь хүлээж авах байх” гэлээ.

Түүнчлэн МАН-ын бү­лэг хуралдаанаараа энэ долоо хоногт чуулганы хурал­даанаар хэлэлцэх зарим хуу­лийн төслийн талаар байр сууриа нэгтгэсэн бай­на.

Тухайлбал Засгийн газ­раас өргөн барьсан Ашигт малтмалтын тухай хуульд нэмэлт, өөрчлөлт оруулах болон Эдийн засгийг эрчимжүүлэх хуулийн төслүүдийн талаар ярилцсан аж.

Энэ талаар бүлгийн дарга С.Бямбацогт “Ашигт малталын тухай хуульд нэмэлт, өөрчлөлт оруулах тухай хуулийн төсөл бол олон жил хүлээлттэй бай­сан, гадна, дотны хөрөнгө оруулагчдын анхаарал татсан хууль. Бид нийгмийн хүлээлт буюу иргэдийн оролцоотой болгох, хариуц­лагатай уул уурхайг хөг­жүүлэх, байгаль орчны нө­хөн сэргээлтэд анхаарсан байгаа болов уу гэж бодсон. Гэтэл харамсалтай нь тэр тал дээр бүрхэг хууль болсон гэж үзэж байна” гэсэн юм.

Эх сурвалж: Өглөөний сонин