“Барилга экспо 2014” олон улсын үзэсгэлэн яармагийг “Ногоон барилга бидний ирээдүй” уриан дор 2 үе шаттай зохион байгуулж байна. Гадаад, дотоодын 200 гаруй компани бүтээгдэхүүн үйлчилгээгээ дэлгэсэн үзэсгэлэнгийн эхний хэсэг болох “Барилгын материал, дэвшилтэт технологийн үзэсгэлэн” дөрөвдүгээр сарын 25-27-ны өдрүүдэд болсон. Харин өнөөдөр хоёр дахь хэсэг болох “Орон сууц, хаус дизайны үзэсгэлэн” эхэлнэ. “Барилга экспо-2014” олон улсын барилгын үзэсгэлэн яармагийг  төрийн төрийн бус байгууллагууд дэмжин, хамтран зохион байгуулагчаар ажиллаж байна. Үзэсгэлэнгийн үеэр иргэдэд зориулсан хямдрал урамшууллуудыг танилцуулан, зөвлөгөө өгч, уулзалт зохион байгуулах аж.

О.САР