АНУ-ын өмнөд хэсгийн мужуудад хэд хэдэн хүчтэй угалз шуурга боссоноос 16 хүн амь үрэгдэж, олон тооны байшин барилга сүйджээ. Хүчтэй шуурганы улмаас АНУ-ын Арканзас, Айова, Оклахома, Алабама, Миссисипи муж хохирол амсчээ. Одоогийн байдлаар эдгээр муж улсуудад шуурганы дараах цэвэрлэгээ эхэлж, нурж, сүйдсэн байшин, барилгын нуранги, хогийг цэвэрлэх ажил өрнөж байна. Түүнчлэн ойрын өдрүүдэд Теннесси, Жоржиа муж улсуудад шуурганд бэлтгэлтэй байхыг цаг уурын агентлагаас анхааруулжээ.

Б.АНХТУЯА