Улсын Дээд шүүхийн Иргэний хэргийн танхимын шүүх хуралдаанаар Ногоон намыг Иргэний Зориг намд нэгтгэх замаар өөрчлөн байгуулсныг улсын бүртгэлд бүртгүүлэх тухай өргөдлийг өнөөдөр хэлэлцсэн байна. Хуралдаанаас Улс төрийн намын тухай хуулийн 15, 23 дугаар зүйлүүдэд заасан шаардлагыг хангаагүй байна гэх үндэслэлээр хүсэлтийг хүсэлтийг хүлээж аваагүй байна.

Тухайлбал, Иргэний Зориг намын ээлжит бус VII их хурал, Ногоон намын IX  их хурлууд хууль дүрмийн дагуу явагдсан эсэх нь тодорхойгүй, энэ тухай баримтуудаа шүүхэд ирүүлээгүй гэсэн юм. Мөн Ногоон нам Иргэний Зориг намтай нэгдэхийн тулд үйл ажиллагаагаа зогсоосон тухай шийдвэрээ Улсын Дээд шүүхэд бүртгүүлээгүй зөрчил байгаа тул хүсэлтийг хангахаас татгалзаж байна гэлээ. Тиймээс Ногоон нам үйл ажиллагаагаа зогсоох, Иргэний Зориг намд нэгдэх эсэх асуудалтай холбоотойгоор гарч буй дотоодын зөрчлөө намынхаа дүрэмд заасан журмын дагуу шийдвэрлэхийг Улсын Дээд шүүхээс анхааруулав.