Хүүхдийг эх оронч болгон хөгжүүлэх, амьдрах арга ухаанд сургах, зөн хүн болгон төлөвшүүлэх зорилготой “Эх орон 36” хөтөлбөрийн нээлт өнөөдөр 10:00 цагаас Баянгол дүүргийн 40-р сургууль дээр болжээ. Нээлтийн үйл ажиллагаанд тус хөтөлбөрийг санаачлагч УИХ-ын гишүүн С.Одонтуяа, ХАХНХ-ын сайд С.Эрдэнэ нар оролцжээ.

Нийтдээ 36 цагийн хөтөлбөрийн хүрээнд маш богино хугацаанд хүүхдэд амьдралын наад захын хэрэгцээ шаардлагатай зүйлсийг сургаж, хүүхдийн ур чадварыг нэмэгдүүлж болдог гэдгийг харуулахын тулд уг хөтөлбөрийг “Эх орон-36” гэж нэрлэжээ. Хөтөлбөрт нийслэлийн таван дүүргийн 5000 орчим хүүхэд хамрагдах бөгөөд хамгийн анхны суралцагчид нь Сонгинохайрхан дүүргийн хүүхдүүд болж байсан юм.