Украины Луганск мужийн хэд хэдэн уурхайн ажилчид цалин хөлсөө нэмэгдүүлэхийг шаардан ажил хаяж байна.

«Краснодонуголь» («Метинвест» группт багтдаг, хувь нийлүүлэгч нь Ринат Ахметовын СКМ компани) үйлдвэрийн газрын таван уурхайн ажилчид ажил хаялт хийж байгаа ба уурхайчдын наяад хувь нь ажилдаа гарсангүй.

Дөрөвдүгээр сарын 22-нд «Краснодонуголь» үйлдвэрийн төв байрны дэргэд цуглаан болж түүнд 2000 орчим уурхайчид оролцон цалингаа нэмэхийг шаарджээ. Донбааст дундажаар 8-10 мянган гривенийн цалин авдаг бол энэ уурхайн ажилтнууд зураан мянган гривен авдаг гэнэ.

Цуглаанд оролцогсод шөнөжин уурхайн захиргааны дэргэж зогсож өнгөрөөсөн ба өглөөгүүр тэднээс 500 орчим хүн үлдсэн байв. Тэд захиргаатай хэлэлцээр хийсэн боловч тохиролцоонд хүрч чадсангүй. Зарим нэг хүний яриагаар Луганскт эсэргүүцлийн ажиллагаанд оролцсон гэж халагдсан хүмүүсийг мөн тэд өмөөрчээ. Болж буй хэрэг явдал прокурорын хараанд өртсөн ба хуулийнхан эдгээр уурхайнуудын  хөдөлмөрийн хөлсний талаар шалгаж эхэлжээ.