Австралийн эргийн ойролцоогоос өнөөдөр /IV.23/ сураггүй болсон Малайзын агаарын тээврийн Боинг 777-200 онгоцны сэг байж болох зүйлс олдсон тухай албаныхан мэдээллээ. Онгоцны сэг байж болох зүйлс Австралийн Огаста хотын эргээс баруун өмнө зүгт 1600 орчим км-ийн зайтай далайгаас олдсон аж. Одоогоор тэдгээр зүйлсийг физик шинж чанарыг нь тодорхойлж, сураггүй болсон 370 дугаар нислэгтэй холбоотой эсэхийг тодруулахаар ажиллаж байгаа гэнэ. Мөн сэг байж болох зүйлс олдсон хэсгийн хамруулан Энэтхэгийн далайн илүү гүнд хайгуул хийж эхэлсэн байна.

Үүний зэрэгцээ АНУ-ын тэнгисийн цэргийн “Bluefin 21” Австралийн баруун эргийн Энэтхэгийн далайн гүнд хийж буй хайгуулын ажлынхаа 80 хувийг гүйцэтгэсэн боловч ямар нэгэн зүйл олоогүй аж.