БНХАУ-ын Ганьсу мужийн зочид төлөөлөгчид Баянхонгор аймагт зочилжээ. Өчигдөр тус аймагт болсон хоёр талын төлөөлөгчдийн уулзалтын үеэр Ланьжоу хотод болох “Хятад-Төв Азийн хамтын ажиллагааны форум”-д оролцох урилгыг аймгийн Засаг дарга Д.Жаргалсайханд гардуулан өгсөн байна.

Баянхонгор аймагт айлчилсан Ганьсу мужийн зочид төлөөлөгчид хоёр өдрийн турш хамтын ажиллагааны талаараа ярилцах ажээ. Ганьсу муж болон Баянхонгор аймгийн хувьд цаг уурын ижил төстэй байдал, газар зүйн байршлын хувьд хамгийн ойр дөт байдал нь  хамтран ажиллахад давуу тал болдог байна.