Маргааш их, дээд сургуулийн 500 оюутан Улаанбаатар хотод байгаа 100 гаруй автобусны буудлыг угааж цэвэрлэх гэж байна. Өнөөдрийн байдлаар автобусны буудал цэвэрлэх ажилд 25 их, дээд сургуулийн 300 оюутан бүртгүүлээд байгаа бөгөөд энэхүү ажлыг МОХ-ноос санаачлан зохион байгуулж буй юм.

Оюутнууд автобусны буудлын хог хаягдлыг цэвэрлэхээс гадна зам дагуух хайс, хашлага, авто замын брожур, автобусны буудлын саравч, хогны сав, шонгийн мод зэргийг угааж, замбараагүй наасан зарлалын хуудсыг хусаж цэвэрлэх юм байна.