Арабын Нэгдсэн Эмират улсын Дубай хотноо насанд хүрэгчдийн Азийн аварга шалгаруулах тэмцээн дөрөвдүгээр сарын 16-26-ны өдрүүдэд болно.

Тус тэмцээний эрэгтэйчүүдийн ангилалд манай улсаас Баянхонгор аймаг, Алдар спорт хороо, Зууны шатар клуб, Үндэсний шигшээ багийн тамирчин Их мастер Ц.Батчулуун, Өвөрхангай аймаг, Шунхлай групп, Үндэсний шигшээ багийн тамирчин Их мастер Б.Гүндаваа, Өвөрхангай аймгийн тамирчин Олон улсын мастер Г.Мөнхгал нар оролцох юм.

Эмэгтэйчүүдийн ангилалд Алдар спорт хороо, Оюунлаг шатар клуб, Үндэсний шигшээ багийн тамирчин Олон улсын мастер Б.Мөнгөнтуул, Говь-Алтай аймаг, Хан Алтай клубын тамирчин Олон улсын шатрын холбооны мастер эмэгтэй У.Лхамсүрэн, Өмнөговь аймгийн тамирчин Олон улсын шатрын холбооны мастер эмэгтэй Б.Ану нар оролцоно.