Өнөөдөр Төрийн ордонд Улсын Их Хурал дахь МАХН-МҮАН-ын “Шударга Ёс” эвслийн Бүлгийн дарга Н.Батцэрэг БНХАУ-аас Монгол улсад суугаа онц бөгөөд бүрэн эрхт элчин сайд  ноён Ван Шаолунг өөрийнх нь хүсэлтээр хүлээн авч уулзлаа. Уулзалтын үеэр эрхэм элчин сайд хоёр орны худалдаа, эдийн засгийн хөгжлийн талаар болон дэлхий дахинд тохиолдоод байгаа эдийн засгийн хямрал хоёр орны худалдаа эдийн засагт хэрхэн нөлөөлж байгаа, хямралаас хэрхэн хурдан гарах талаар харилцан санал солилцлоо.

    Мөн уул уурхай, төмөр замын салбарт хэрэгжиж байгаа хэрэгжихээр яригдаж буй төслүүдийг ажил хэрэг болгох тал дээр хоёр тал хурдацтай ажиллахад  эвслийн зүгээс дэмжиж ажиллана гэдэгт итгэж байгаагаа эрхэм элчин сайд илэрхийллээ.