УИХ-ын чуулганы хуралдаан өнөөдөр 09.00 цагт эхэлнэ. Долоо хоног бүрийн баасан гаригт УИХ-ын чуулганы хуралдааны “Засгийн газрын цаг”-аар Ерөнхий сайд гишүүдийн асуулгад хариулт өгдөг. Өнөөдрийн хувьд УИХ-ын гишүүн Д.Сумъяабазарын зүгээс Эрүүл мэндийн сайд Н.Удвалд тавьсан өнгөрсөн нэгдүгээр сард агаарын бохирдол иргэдийн эрүүл мэндэд хэрхэн нөлөөлж байгаа талаарх асуулгын хариуг сонсох бөгөөд  агаарын бохирдол хүний эрүүл мэнд, эхийн урагт хэрхэн нөлөөлж байгаа, үүнээс урьдчилан сэргийлэх чиглэлээр хийж буй ажлаа тайлагнахыг Эрүүл мэндийн сайдаас хүсчээ.

Мөн УИХ-ын нэгдсэн хуралдаанаар УИХ-ын гишүүн Су.Батболдоос "Хүнсний гол нэрийн бараа, бүтээгдэхүүний үнийг тогтворжуулах" дэд хөтөлбөрийн хэрэгжилтийн талаар Үйлдвэр, хөдөө аж ахуйн сайд Х.Баттулгад тавьсан асуулгыг хэлэлцэх юм байна.