Бөхийн хаврын баяр цуврал барилдааны өсвөр бөх, нийтийн монгол шандастны барилдаан маргааш Монгол бөхийн өргөөнд 14.00 цагаас болно. Мөн Монгол бөхийн түүхэн дэх арван засгийн наадмыг орлох Дөрвөн уулын хишиг барилдааны цуврал “Сонгино хайрханы хишиг” 256 бөхийн барилдаан ням гаригийн /04.06/ 14.00 цагаас Монгол бөхийн өргөөнд болно. МҮБХ-оос Монос групптэй хамтран зохион байгуулдаг Сонгинохайрхан уулын хишиг барилдаан долоо дахь жилдээ зохион байгуулагдах гэж байна.

Сонгинохайрхан уулын хишиг барилдааны өмнөх жилүүдийн үзүүр, түрүү бөхчүүдийг танилцуулья.

1. 2008 онд у.а Д.Азжаргал түрүүлж, у.х Н.Ганбаатар /у.г/ үзүүрлэж байсан бол
2. 2009 онд а.а Ц.Содномдорж түрүүлж /у.х/ , у.н Т.Өсөх-Ирээдүй /у.х/ үзүүрлэж
3.  2010 онд у.н Ц.Содномдорж /у.х/ түрүүлж, у.г Н.Ганбаатар үзүүрлэж
4. 2011 онд у.х Д.Баасандорж /у.з/ түрүүлж, у.з М.Өсөхбаяр үзүүрлэж
5. 2012 онд у.а Г.Эрхэмбаяр түрүүлж, у.а Д.Ганхуяг үзүүрлэж
6. 2013 онд у.г Н.Ганбаатар түрүүлж, у.а Х.Мөнхбаатар үзүүрлэв.