Нийслэлийн Засаг даргын захирамжийн дагуу өнөөдөр 16.00 цагт нийслэлд гамшгаас сэргийлэх дуут дохио дугарч, иргэд гамшгаас хамгаалах дадлага сургуулилт хийлээ. “Нийслэлийн онцгой байдлын газраас дуут дохио дугармагц иргэдийг байгаа газрынхаа аюулгүй гэх газар, буланд гурван минут бүгж, шатаар буун гадагш гарахыг зөвлөсөн. Энэ зөвлөгөөг яам, төрийн байгууллагуудын ажилтнууд болон сургууль, цэцэрлэгийн хүүхдүүд сайтар дагаж, гамшгийн үеийн сургуулилт хийлээ” гэж Онцгой байдлын газраас мэдэгдэж байна.
Д.ЖАРГАЛ