Эх орны дайны ялалтын баяраа оросын ард түмэн өнөөдөр тэмдэглэж байна. Үүнтэй холбогдуулан зайсан дахь Монгол, Зөвлөлтийн дайчин нөхөрлөл, манай ард түмний хөрөнгөөр байгуулсан танкийн бригадын дурсгалд зориулан босгосон хөшөөнд Ерөнхийлөгчийн Тамгын газрын дарга Д.Баттулга, Батлан хамгаалах яамны сайд Л.Болд, ОХУ-ын Онц бөгөөд Бүрэн эрхт элчин сайд В.В.Самойленко нар цэцэг өргөн хүндэтгэл үзүүлэв. Тэнд Ерөнхийлөгчийн Тамгын газар, Батлан хамгаалах яам, Гадаад харилцааны яамны удирдах ажилтнууд, мөн ОХУ-ын Элчин сайдын яамныхан хүрэлцэн очиж хүндэтгэл үзүүллээ. 

Энэ үеэр хүндэт харуул жагсаж, үлээвэр найрал хөгжимд хоёр улсын төрийн дуулал эгшиглэв. 

Гэрэл зургийн ЭНД дарж үзнэ үү.