Абдель Фаттах аль-Сисийн удирдлага дор Египетэд тогтвортой аюулгүй байдал тогтохгүй гэж “Мусульман ахан дүүс” хөдөлгөөний лидер Ибрагим Мунир мэдэгдснийг  Agence France-Presse мэдээлэв.

Аль-Сиси ерөнхийлөгч болсон цагт, тогвортой байдал эсвэл аюулгүй байдал байхгүй болно гэж Мунир тус агентлагт ярихдаа хэлжээ.

Үүний өмнө Египетийн Батлан хамгаалахын сайд, фельдмаршал аль-Сиси өөрийн албан тушаалаасаа огцорч ерөнхийлөгчийн сонгуульд оролцох болсноо батлан мэдэгдсэн байлаа.

Фельдмаршал нь Египетийн хүн амын дунд ихээхэн дэмжлэгтэй бөгөөд ерөнхийлөгчийн сонгуульд ялах хамгийн том магадлалтай гэнэ.