Гурван жил гаруй хугацааг хамтдаа өнгөрүүлсний эцэст Холливудын халуухан хосууд болох Жастин Тимберлейк, Жессика Бьел нар мөр мөрөө хөөхөөр шийдсэн талаар ойрын эх сурвалжууд мэдээлж байна. Тэдний салах шалтгаан нь ямар нэг ноцтой асуудал байгаагүй, тэд зүгээр л дотно харилцаагаа дуусгавар болгохоор шийдсэн талаар Английн “Mirror” мэдээлсэн байна.

Ердөө хэдхэн хоногийн өмнө Жастин экс-амраг, Холливудын шаргал үст Камерон Диазтай хамтарч, “Муу багш” гэх кинонд тоглож байгаа гэсэн мэдээлэл цацагдахын зэрэгцээ тэдний халуун дотно инээд бүхий гэрэл зургууд сонин сэтгүүл, интернэтээр харагдах болсон юм. Харин экс-хосууд ердөө ажлын хамтрагчид болсон, Жессика, Жастин нарын салалттай ямар ч холбоогүй талаар тэдний ойрын эх сурвалж ярьжээ. Түүний хэлснээр Жастин, Жессика нар бие биеэсээ онцгой зүйлийг олж, мэдэрсэн харин энэ дотно харилцаа цаашид үргэлжлэхэд хэцүү, чухамдаа бол романтик утгаа алдсан гэнэ. Түүнчлэн хосууд тус тусынхаа карьерыг хөөж, шаргуу ажиллаж, ихэнх цагийг тусдаа өнгөрүүлж байсан нь дүрэлзсэн хайрын галыг бөхөхөд хүргэсэн гэжээ.

С.Цэлмэг