Элсэлтийн ерөнхий шалгалтын бүртгэл дууссан ч хичээл нэмэх,  алдаатай мэдээллээ засах шаардлагатай сурагчдын өргөдлийг  энэ сарын 15-ны дотор хүлээн авч шийдвэрлэх боломжтой аж. Боловсролын үнэлгээний төв болон аймаг нийслэлийн боловсролын газарт өргөдлөө өгөх бөгөөд энэ сарын 15-ны дотор элсэлтийн талаарх  бүх мэдээлэлдээ тулгалт хийж, баталгаажуулах юм байна. Энэ жил элсэлтийн ерөнхий шалгалтад 39010 шалгуулагч бүртгүүлсэн.  Сурагчдыг  www.eec.mn-ээр  бүртгүүлсэн мэдээллээ дахин хянахыг Боловсролын үнэлгээний төвөөс анхааруулж байна.