Сүхбаатарын талбайд өлсгөлөн зарлаж байсан иргэний хөдөлгөөнүүдийн удирдагч долоо болон тэдэтэй нэгдсэн 27 хүн гээд нийт 34 хүнийг өчигдрийн 23.40 цагт цагдаа нар хүчээр тарааж гэрийг хурааж авчээ. Албаны хүмүүс үүнийг тайлбарлахдаа биеийнх нь байдал муудсан учраас хүчээр албадан эмнэлэгт хэвтүүлэхээс өөр аргагүй болсон гэж байна. Ингэхдээ аюулгүй байдлыг хангах үүднээс талбай орчмыг хамгаалалтандаа авч дотогш хүн оруулахгүй, гарахгүй байжээ. Харин үүнийг өлсглөнө зарлагчид хүчэрхийлэл хэмээн дүгнэж байна. Өлсөгчдийг нэг дор хэвтүүлээгүй бөгөөд бүгдийг нь өөр өөр эмнэлэгт хэвтүүлсэн байна. Харин өлсгөлөн зарлагчид ямар нэгэн эмчилгээ хийлгэхгүй гэнэ.
Л.ХАЛИУ