Алжирын сөрөг хүчний исламист болон улс төрийн намууд нэгдэн ирэх дөрөвдүгээр сард болох ерөнхийлөгчийн сонгуулийг бойкотлохыг уриалан, жагсаал зохион байгуулжээ. Жагсагчид 1999 оноос хойш Алжирын төрийн эрхийг барьж буй 77 настай Ерөнхийлөгч Абделазиз Боутефликаг дөрөв дэх удаагаа ерөнхийлөгчид нэр дэвшихээр зэхэж буйг эсэргүүцсэн аж. Алжирын сөрөг хүчнийхний тэргүүлсэн эсэргүүцлийн жагсаалд олон мянган хүн нэгдсэн байна. Сөрөг хүчнийхний хардаж буйгаар Ерөнхийлөгч Абделазиз Боутефлика ирэх сонгуульд нэр дэвшихэд дэмжлэг авах зорилгоор эрх баригч “Үндэсний чөлөөлөх фронт” дахь армийн бүлэг, бизнесийн элитүүдээр өөрийгөө тойруулж авч эхэлсэн аж.

 “Үндэсний чөлөөлөх фронт” дахь армийн бүлэг, бизнесийн элитүүд ноёлсон Алжирын улстөрд энэ мэт олныг хамарсан сөрөг хүчний эсэргүүцлийн жагсаал болох нь ховор байдаг юм. Алжир нь 1962 онд Францаас тусгаар тогтнож байжээ.