Өмнөд Африкийн сөрөг хүчнийхэн Ерөнхийлөгч Якоб Зумагийн эсрэг авлига, улсын мөнгийг хувьдаа завшсан зэрэг нийт найман хэрэгт буруутгажээ. Ерөнхийлөгч Якоб Зумаг хувийн сууцаа тохижуулахад татвар төлөгчдийн мөнгийг ашигласан хэрэгт сэжиглэн Өмнөд Африкийн авилгатай тэмцэх газарт шалгуулахаар мэдүүлсэн аж. Өмнөд Африкийн Ерөнхийлөгч Якоб Зума Нкандла хотод орших хувийн сууцаа сэргээн засварлаж, усан сан, малын хашаа зэргийг нэмж барихад 23 сая ам.доллар зарцуулсан нь сөрөг хүчнийхэнд хардлага төрүүлжээ.

Өмнөд Африкийн сөрөг хүчнийхэн Ерөнхийлөгч Якоб Зумагийн эсрэг дээрх хэргүүдэд буруутган шалгуулах хүсэлт тавьсан нь ирэх тавдугаар сард болох сонгуультай холбоотой хэмээн ажиглагчид дүгнэж байна.