Проектор бидний дунд оффисийн хэрэглээнд л байх зүйл шиг санагдсаар ирсэн. Гэвч түүний хэрэглээ гэрийн хэрэглээнээс эхлэн дэлгүүр, музей, эмнэлэг, банк гээд бүх л салбарт улам бүр өргөн ашиглагдсаар байна. Тэгвэл проекторыг бид амьдралдаа, бизнестээ хэрхэн ашиглах вэ?

Юуны түрүүнд бид үзүүлэлтийг ялгаж ангилж сурах хэрэгтэй ба энэ нь бидний сонголтод тусалж чадна. Үүнд : технологийн онцлог, гэрэлтэлтийн хэмжээ, холболт гээд үндсэн үзүүлэлтүүдийг нэрлэж болно. 

Одоогоор проекторын зах зээлд LCD болон DLP гэсэн 2 гол технологи ашиглагдаж байгаа бөгөөд аль аль нь өөрсдийн давуу тал болон сул талуудыг агуулж байдаг.

LCD технологи: Epson брэндээс анхлан зохион бүтээсэн уг технологи нь ногоон, улаан, цэнхэр гэсэн 3 өнгийн туузыг дамжин өнгөрөх гэрлийн тусламжтайгаар дүрсээ цацдаг ба илүү тод гаралттай, өнгөний ялгарал сайтай байдгаараа давуу талтай. LCD технологийн нэг дутагдалтай тал нь хар өнгийн дүрсийг DLP технологитой харьцуулахад муу ялгаруулдаг бөгөөд үүнээс хамааран дүрсийн нягтрал багасдаг байна. Гэвч сүүлийн үеийн 3LCD технологи энэ асуудлыг шийдэж чадсан байна. Технологийн онцлогоос хамааран агуулагдах эд анги нэмэгдэх ба тэр хэрээр овор хэмжээ ч бас нэмэгддэг байна. Энэ төрлийн проектор нь сургалт, хурлын танхимуудад ашиглахад илүү тохиромжтой байдаг байна.  Одоогоор энэ технологиор Sony, Epson зэрэг брэндүүд хамгийн топ проекторуудыг үйлдвэрлэж байна. 

DLP технологи: Анхлан Texas Instruments ээс үүссэн тус технологи нь улаан, ногоон, цэнхэр өнгө бүхий эргэлдэж буй дан ганц чип рүү гэрэл тусган дүрсээ цацдаг технологи юм. Чип эргэлдэх явцад хэрэгцээтэй өнгийг шүүн авч үлдсэн өнгийг алдаж байдаг учраас гэрэлтэлт болон өнгөний хувьд 3LCD технологийг бодвол дутагдалтай байдаг байна. Гэвч хар өнгийн ялгаруулалт илүү тул дүрсний нягтрал 3LCD технологиос давуу байж чаддаг байна. Мөн түүнд агуулагдах эд анги цомхон засвар үйлчилгээ хийхэд хямд болдог тул гэрийн хэрэглээний проекторууд DLP технологийн байх нь илүү тохиромжтой байдаг байна.

Brightness буюу гэрэлтэлт

Гэрэлтүүлгийн хэмжээг олон янзаар хэмждэг ч олон улсад ANSI (American National Standards Institute) lumens гэдэг үзүүлэлт хамгийн өргөн ашиглагддаг хэмжүүр юм. Тухайн үзүүлэлт өндөр байх тусам проектор илүү гэрэл сайтай дүрсээ цацна гэсэн үг. Уг үзүүлэлт өндөрсөх тусам үнэтэй болдог тул бид шаардлагагүй өндөр үзүүлэлтэд илүү мөнгө төлөх хэрэггүй юм.

Хэрэв та гэрлийг удирдах боломжтой буюу гэрэл багатай өрөөнд ашиглах бол гэрэлтүүлэлт өндөртэй проектор тийм ч шаардлагатай биш юм. Гэрийн хэрэглээндээ проектор сонгож байгаа бол ANSI lumens багатайг сонгохыг зөвлөж байна. Хэрэв байнгын гэрэлтэй орчинд ажиллах бол эсрэгээрээ өндөр гэрэлтүүлэгтэй проектор ашиглах хэрэгтэй. Дунджаар 3000 ANSI lumens дээш үзүүлэлттэй проектор гэрэл ихтэй газар байрлуулахад тохиромжтой байдаг.

Мөн тухайн өрөөнд хэр их хүн байгаагаас хамааран гэрэлтүүлгийн хэмжээг сонгож болно. Их хүн байх тусам цацах дүрсний хэмжээ томрох ба үүнийг дагаад гэрэлтүүлгийн хэмжээ ч автоматаар нэмэгддэг байна. Нэгэнт та өрөөнийхөө гэрэлтүүлэг болон дүрс цацах хэмжээгээ тодорхойлсноор проекторынхоо шаардлагатай ANSI lumens үзүүлэлтийг мэдэх боломжтой юм.

1000 Lumens түүнээс доош	Гэрт жижиг кино театрын зориулалтаар ашиглах бол
1000 ~ 2000 Lumens	Оффис болон сургуулиудад сургалтын журмаар ашиглах мөн гэртээ өдрийн цагаар ашиглах бол
2000 ~ 3000 Lumens	Томоохон хэмжээний хурлын танхим болон сургалтын өрөөнд
3000 Lumens дээш	Том дэлгэцэн дээр өдрийн цагаар ашиглах бол

Resolution буюу дэлгэцийн нарийвчлал
 
Нарийвчлал нь таны цацсан дүрсэнд агуулагдаж буй тусдаа цэгүүдийн нийлэмж юм. Агуулагдах цэгийн тоо их байх тусам дэлгэцийн хэмжээ өргөн том болдог. Мөн таны дүрсээ өгч буй эх үүсвэрийн хэмжээ ч энд чухал шаардлагатай юм. Өөрөөр хэлбэл таны зөөврийн компьютер XGA нарийвчлалаар цацдаг бол UXGA нарийвчлалтай дүрс цацах боломжгүй гэсэн үг юм.

Standard (4:3)resolutions
Нарийвчлал	Нягтрал		Нийт агуулагдах цэгийн хэмжээ	Хэрэглээ
	Хөндлөн	Босоо
SVGA	800	600	480,000	Power point
XGA	1024	768	786,000	Тоо цифр ихтэй дүрслэлд
SXGA+	1400	1050	1,470,000	Инженерийн зураглал, өндөр нягтралтай фото зураг
UXGA	1600	1200	1,920,000
Widescreen (16:10)resolutions
WXGA	1280	800	1,024,000	Илүү өргөн форматаар дүрсээ цацах шаардлагатай тохиолдолд
WUXGA	1920	1200	2,304,000
Widescreen (16:9)resolutions
720p	1280	720	921,600	Илүү өргөн форматаар дүрсээ цацах шаардлагатай тохиолдолд
1080p	1920	1080	2,073,600
Ultra HD 4K	3840	2160	8,294,400	Кино театр
Native 4K DCi Standard	4096	2160	8,847,360

Эдгээр үндсэн үзүүлэлтээс гадна проекторын холболт, далий гадаргууд тавьсан тохиолдолд дүрсээ автоматаар засах, хотгор хүтгэр гадаргууд дүрсээ цацах, мэдрэгчтэй дэлгэц, загвар дизайн гээд маш олон үзүүлэлтийг харгалзаж сонголтоо хийх шаардлагатай.

Хэрэв та хурал зөвлөгөөн эсвэл сургалтын журмаар ашиглах проектор хайж байгаа бол бид танд 2013 оны топ проекторуудаас санал болгож байна.

Epson EB-97 тухайн загвар нь 2,700 lumens гэрэлтүүлэлттэйгээс гадна сүлжээ болон утасгүй холболтоор нэг дор 4 хүртэл эх сурвалжаас дүрсээ цацах боломжтой юм.

Мөн өөр дээрээ 16W спейкэр суурьлуулж өгсөн нь нэмэлт эх сурвалжгүйгээр өрөөнд хангалттай хэмжээгээр дууг цацах боломжтой болгож байгаа юм.

Хэрэв та илүү дэлгэрэнгүй мэдээлэл авахыг хүсвэл доорхи утсаар холбогдох, эсвэл PC mall сүлжээ дэлгүүрүүдэд хандаарай. Холбогдох утас : 7011-3535