Монгол улсын Засгийн газрын 2013 оны 12 дугаар сарын 14-ний өдрийн 410 дугаар тогтоолоор “Цахим тоглоомын газрын үйл ажиллагааг зохицуулах журам” батлагдсантай холбогдуулан Харилцаа Холбооны Зохицуулах Хороо цахим тоглоомын газрын үйлчилгээ эрхлэгчдийг бүртгэж байна.

Иймд цахим тоглоомын газрын үйлчилгээ эрхлэж буй иргэд аж ахуй нэгж байгууллагууд дараах баримт бичгийг дарааллын дагуу бүрдүүлж 2014 оны 4-р сарын 15 хүртэл хугацаанд Харилцаа Холбооны Зохицуулах Хороонд ирж бүртгүүлнэ үү.

1.Галын аюулгүй байдлын дүгнэлт:

2.Эрүүл ахуйн, ажлын байрны дүгнэлт:

3.Цагдаагийн байгууллагын санал:

/Дээрх дүгнэлт, саналыг дарааллын дагуу гаргуулах шаардлагатайг анхаарна уу/

4.Аж ахуйн нэгж бол Улсын бүртгэлийн гэрчилгээний хуулбар, иргэн бол иргэний үнэмлэхний хуулбар.

5.Бүртгүүлэх өргөдөл.

6.Харилцаа холбооны зохицуулах хорооны бүртгэлийн маягт.

7.Цахим тоглоомын жагсаалт.

8.Бүртгэлийн хураамж төлсөн баримт.
/Бүртгэлийн маягт, цахим тоглоомын жагсаалт, бүртгүүлэх өргөдлийн загварыг www.crc.gov.mn сайтаас татаж авна уу./

Харилцаа Холбооны Зохицуулах Хороо

Хаяг:  Монгол Улс, Улаанбаатар-14201, Сүхбаатарын гудамж-13 Бага тойруу, 6-р Хороо, Метро бизнес төв. А-корпус 5 давхар.
Утас: 304257, 304258  Факс: 327720, 366040
Веб сайт: www.crc.gov.mn,
И-мэйл хаяг: info@crc.gov.mn

ЖИЧ: Хөдөө орон нутагт цахим тоглоомын газрын үйлчилгээ эрхлэгчид мөн дээрх дарааллын дагуу баримт материалыг бүрдүүлж  Аймгийн засаг даргын тамгын газартаа хандана уу.