Монгол ардын намын бүлэг маргаашийн хуралдаанаар хэлэлцэх асуудлын товыг гаргажээ. Хэлэлцэх асуудлын дараалалд Засгийн Газрын үнэт цаас гаргахыг зөвшөөрөх тухай /2011 оны улсын төсвийн алдагдлыг нөхөх, Төрийн албан хаагчид болон иргэдэд олгох орон сууцны урт хугацаат зээлийн эх үүсвэрийг бүрдүүлэх зорилгоор/ УИХ-ын тогтоолын төсөл, Монгол Улсын Засгийн Газар, Азийн хөгжлийн банк хооронд байгуулах “Дээд боловсролын шинэчлэл төсөл”-ийн зээлийн хэлэлцээрийн төсөл

Улсын тэмдэгтийн хураамжийн тухай хуульд нэмэлт, өөрчлөлт оруулах тухай хуулийн төсөл зэрэг найман асуудал оржээ.

Түүнчлэн энэхүү жагсаалтад багтсан Газрын тухай, Газрын кадастрын тухай, Геодези, зураг зүйн тухай, Газрын төлбөрийн тухай хуулийн шинэчилсэн найруулгын төсөл, Ашигт малтмалын хайгуулын тусгай зөвшөөрөл шинээр олгохыг хориглох тухай хуульд өөрчлөлт оруулах тухай хуулийн төсөл, Жижиг, дунд үйлдвэрлэл эрхлэгчид болон малчдын арилжааны банкинд төлөх зээл, зээлийн хүүд хөнгөлөлт үзүүлэх талаар авах арга хэмжээний тухай УИХ-ын тогтоолын төслүүдийг хэлэлцэх аж.