Улаанбаатар хотын бүх дүүрэг дэх цэцэрлэгүүдийн гэрлүүдийг ионжуулагч гэрлээр солихоор болж, 442 сая төгрөг төсөвлөсөн байна.

Энэ ажлыг гүйцэтгэх компанийг шалгаруулахын тулд Нийслэлийн худалдан авах ажиллагааны газраас тендэр зарлажээ.

Ионжуулагч гэрэл нь эрчим хүчний хэмнэлттэй төдийгүй агаар дахь жижиг тоосонцорыг бууруулах замаар нян бактерийг устгах, элдэв халдварт  өвчин, амьсгалын замын өвчин үүсэх эрсдлийг бууруулдаг байна. Тиймээс цэцэрлэгүүдийн гэрлийг ионжуулагч гэрлээр солих нь эрүүл мэндийн чухал ач холбогдолтой гэж үзэж буй ажээ.