Гэрэл зурагчин А.Түмэнжаргалын “Ариун орноор Төвд”, “Онгон байгаль” хос үзэсгэлэн маргааш 12.00 цагт СТӨ-ний Уран зургийн галлерейд нээлтээ хийнэ. Ирэх ням гариг хүртэл үргэлжлэх энэхүү үзэсгэлэн нь дан ганц гэрэл зургийн бус дижитал арттай хослуулсан анхных гэдгээрээ олны анхаарлыг ихээхэн татаж байгаа.

Энэхүү үзэсгэлэнг зорин ирснээр та Монгол, Төвдийн онгон байгаль, аж амьдралын тухай 100 орчим шилмэл зургийг үзэж сонирхох бөгөөд А.Түмэнжаргалын хамгийн сүүлд хэвлүүлсэн “Through to the Holy land” гэрэл зургийн шинэхэн цомгийн анхны үзэгч болох юм.

А.Түмэнжаргал өмнө нь гэрэл зургийн үзэсгэлэнгээ Бээжин, Шанхай, Тянженд гаргаж байсан ба, “Through to the Holy land”-аас гадна гурван цомогтой уран бүтээлч юм.