“Буянт-Ухаа-1” орон сууцны хорооллын захиалгыг төрийн үйлчилгээний ТҮЦ машинаар авах ажил өнгөрсөн даваа гаригаас буюу гуравдугаар сарын 10-ны өдрөөс эхэлсэн. ТҮЦ машинаар захиалга өгөхөд иргэдэд зааварчилгаа өгөх ажилтнуудыг Залуучуудын хөдөлмөрийн төв бирж бэлтгэсэн байна. Нийт 34 түр ажилтныг бэлтгэжээ.

Харин орон сууцны захиалга авах хугацааг Төрийн орон сууцны корпорациас 14 хоногийн хугацаатай зарласан. Тодруулбал, гуравдугаар сарын 24-ний 18.00 цаг хүртэл авахаар болоод буй.

Онцлоход, Монголын залуучуудын холбоо нь Залуучуудын хөдөлмөрийн төв биржээр дамжуулан оюутнуудыг энэ онд бүтээн байгуулалтад ажиллуулахаар болоод байгаа аж.