Нэгдсэн үндэсний байгууллагын Хүнс, хөдөө аж ахуйн байгууллагаас “Уур амьсгалын өөрчлөлт-хүнсний аюулгүй байдал” сэдвээр олон улсын форумыг зохион байгуулж байна. Ази номхон далайн бүсийн 32-р бага хуралдаанд далайд гарцгүй болон арлын жижиг хөгжиж буй орнуудын сайд нар оролцож байгаа аж.

Уг арга хэмжээний үеэр ҮХАА-н сайд Х.Баттулга “Манай улс шиг газар нутаг томтой бэлчээрийн мал аж ахуй нь хөдөө аж ахуйн гол салбар болдог улсад цөлжилтийн эсрэг бодлого хэрэгжүүлж, малын бэлчээрийг хадгалан үлдэх нь чухал.  Дэд бүтэц сул хөгжсөн, хоёр хөршөөрөө дамжуулан бусад улстай харьцдаг, хөршүүдийн маань газар нутаг маш том зэргээс хамааран ялангуяа хүнсний тээвэрлэлтийн асуудал хурдан муудах, хадгалалтын горим алдагддаг зэрэг асуудлуудыг шийдэхээр олон улсын хэмжээнд хэлэлцэж байгаагаараа энэхүү форум давуу талтай болж байна” хэмээн онцолсон юм.