ОХУ-ын бизнес эрхлэгчид өнөөдөр “Монголньюс” мэдээллийн төвд өнөөдөр эхэлсэн “Азийн хаалга” үзэсгэлэнгийн талаар товч мэдээлэл өглөө. ОХУ-ын Эрхүү мужийн төлөөлөгчийн газар, “Бизнес контакт” компани, Монголын үндэсний худалдаа аж үйлдвэрийн танхим хамтран энэ сарын 11-13-нд олон улсын “Ворота в Азию 2014” 23 дахь удаагийн үзэсгэлэнг зохион байгуулж байгаа юм байна. Энэхүү арга хэмжээний үеэр гуравдугаар сарын 12-ны 10.00-13.00 цагт Монгол-Оросын бизнес форум МҮХАҮТ-ийн 507 тоотод болох бөгөөд уг форумд Москва, Кранснодар, Ростов на Дону, Кемериво, Иркутск, Екатеринбург, Ангарск, Улан-Үдэ, Беларусь зэрэг хотуудын хөдөө аж ахуй, хүнс, барилга, хүнд хөнгөн үйлдвэрлэл, эрчим хүч, уул уурхай, аялал жуулчлалын компаниуд оролцох юм байна.