Төрийн орон сууц санхүүжилтийн корпорациас өнөөдөр 12.30 цагт сэтгүүлчдэд мэдээлэл хийхээр болоод байна. “Зууны мэдээ” сонины мэдээллийн төвд зарлагдсан уг хуралд тус корпорацийн удирдлагууд оролцож, Яармагийн дэнжид ашиглалтад орсон 567 айлын орон сууцны захиалгыг хэрхэн авах тухай журмыг танилцуулах аж.

Онцлоход, орон сууцны захиалгыг онлайнаар авах санал эхний ээлжинд гарсан ч иргэдэд чирэгдэл учруулж болзошгүй хэмээн үзэж, ТҮЦ машинаар авахаар болсон. Тэгвэл ТОССК-ийн зүгээс уг захиалгыг өнөөдрөөс эхэлж магадгүй гэх мэдээлэл байна.

Яармагийн дэнжид ашиглалтад орсон орон сууцны 1м2-ын үнэ 1.280.000 төгрөгөөр үнэлэгдсэн нь зах зээлд борлуулагдаж байгаа орон сууцны үнээс даруй хоёр дахин бага үнэтэй байгаа юм.