“Гайхамшигт ертөнц” нэртэй  уран бүтээлийн үзэсгэлэн Арт хаус галлерейд Мартын-8 буюу өчигдөр нээлтээ хийлээ. Уг үзэсгэлэнд Монголын нэртэй зураачид болох 30 гаруй уран бүтээлчид өөрийн бүтээлээ дэлгэн тавьсан байна. Өөр өөрийн өнгө аястай, гайхалтай сайхан бүтээлүүд олон үзэгчдийн мэлмийг баясгаж, сэтгэлийг хөглөж, нэгэн сайхан мэдрэмжийг төрүүлж байна. Уран зураг гэдэг хүн төрөлхтний оюун ухаан, ур чадвар, сэтгэлгээний баялаг юм. Хаврын нарлаг сайхан өдрүүдтэй уралдан эрхэм та бүхнийг уран зургийн галлерейд ирж, үнэтэй бүтээлүүдтэй танилцах боломжийг “Гайхамшигт ертөнц” олгож байна.