Оросын “Pussy Riot” панк хамтлагийн шоронгоос суллагдсан хоёр гишүүн рүү багтай хоёр эрэгтэй халдаж, биед нь гэмтэл учруулжээ. Надежда Толокинникова, Мариа Алёкина нар Нижний Новгород хотын “McDonalds” сүлжээ ресторанд цайлж байх үеэр баг зүүсэн хоёр эрэгтэй орж ирэн, тэдний толгой дээрээс хог асгаж, нүүр рүү нь ногоон өнгийн химийн бодис цацсан аж. Халдлагын улмаас бүсгүйчүүд толгойдоо гэмтэл авсан гэнэ. Надежда Толокинникова, Мариа Алёкина нар энэ хэрэгт хотын цагдаагийнхныг холбоотой хэмээн хардаж байгаа аж. Харин цагдаагийн газраас үүнийг эрс үгүйсгэж, хэргийг мөрдөн шалгаж буйгаа мэдэгдсэн байна.

“Pussy Riot” хамтлагийн гишүүн Мариа Алёкина, Надежда Толоконникова нар Москва хотын үнэн алдартны гол сүмд танхайрсан үйлдэлдээ хоёр жил шоронд хорих ял эдэлж байх хугацаандаа ОХУ-ын Ерөнхийлөгч Владимир Путины өршөөлөөр суллагдсан юм.